ગુજરાતમાં ખાદ્ય ચીજોની ગુણવત્તા અને રેસ્ટોરન્ટ્સની સ્વચ્છતા અંગે તંત્રએ રાજ્યવ્યાપી કાર્યવાહી શરૂ કરી છે. જાહેર આરોગ્યને ધ્યાનમાં રાખીને Food and Drug Regulation Department દ્વારા ખાસ ડ્રાઇવ હેઠળ રાજ્યના વિવિધ વિસ્તારોમાં રેસ્ટોરન્ટ્સ અને હોટેલ્સનું સઘન ચેકિંગ કરવામાં આવ્યું છે.
ગાંધીનગરમાં આરોગ્ય મંત્રી પ્રફુલ પાનશેરીયાની અધ્યક્ષતામાં યોજાયેલી સમીક્ષા બેઠકમાં સ્પેશિયલ ડ્રાઇવની કામગીરીની વિગતો રજૂ કરવામાં આવી હતી. અત્યાર સુધીમાં કુલ 187 રેસ્ટોરન્ટ્સમાં આકસ્મિક તપાસ હાથ ધરવામાં આવી હોવાનું જણાવાયું છે.
137 રેસ્ટોરન્ટ્સમાં ગંભીર ગંદકી, તાત્કાલિક બંધ
તપાસ દરમિયાન આશરે 137 રેસ્ટોરન્ટ્સમાં ગંભીર પ્રકારની અસ્વચ્છતા અને બિનઆરોગ્યપ્રદ સ્થિતિ જોવા મળી હતી. જાહેર આરોગ્યને ધ્યાનમાં રાખીને આ તમામ રેસ્ટોરન્ટ્સને તાત્કાલિક અસરથી બંધ કરાવવામાં આવ્યા છે.
આ ઉપરાંત નિયમોનું ઉલ્લંઘન કરનારા 6 રેસ્ટોરન્ટ્સને સીલ કરવામાં આવ્યા છે. તેમાં રાજકોટ મ્યુનિસિપલ કોર્પોરેશન દ્વારા 2, રાજકોટ જિલ્લામાં 1 અને નડિયાદ જિલ્લામાં 3 રેસ્ટોરન્ટનો સમાવેશ થાય છે.
તંત્ર દ્વારા અન્ય 40 રેસ્ટોરન્ટ્સને Improvement Notice આપવામાં આવી છે, જ્યારે 4 રેસ્ટોરન્ટ્સના લાયસન્સ સસ્પેન્ડ કરવામાં આવ્યા છે.
સુરતમાં પણ તાબડતોબ તપાસ, 548 કિલો અખાદ્ય ખોરાકનો નાશ
સુરત મહાનગરપાલિકાના આરોગ્ય વિભાગ દ્વારા પણ શહેરના તમામ ઝોનમાં વિશેષ તપાસ હાથ ધરવામાં આવી હતી. Food Safety Officers અને Sanitation Staffની સંયુક્ત ટીમોએ કુલ 209 હોટેલ-રેસ્ટોરન્ટ્સ અને 34 ઢાબા તપાસ્યા હતા.
ચેકિંગ દરમિયાન કિચનની સ્વચ્છતા, વાસી ખોરાક, Medical Fitness Certificate તેમજ Dairy Products સંબંધિત ડિસ્પ્લે બોર્ડ સહિતની બાબતોની ચકાસણી કરવામાં આવી હતી.
આ કાર્યવાહીમાં કુલ 548 કિલો અખાદ્ય ખોરાકનો નાશ કરવામાં આવ્યો હતો. નિયમોનું પાલન ન કરનારા 128 હોટેલ-રેસ્ટોરન્ટ્સને નોટિસ આપવામાં આવી હતી અને કુલ ₹4,43,800નો વહીવટી દંડ વસૂલવામાં આવ્યો હતો.
સાથે જ ગંભીર સ્વચ્છતા સંબંધિત ખામીઓ ધરાવતા 43 હોટેલ-રેસ્ટોરન્ટ્સને તાત્કાલિક બંધ કરાવવામાં આવ્યા છે.
સુરતમાં Food Poisoningની ઘટનાના પગલે કડક ડ્રાઇવ
આ સમગ્ર કાર્યવાહી પાછળ સુરતના વરાછા વિસ્તારમાં 18 August 2026ના રોજ બનેલી ગંભીર Food Poisoningની ઘટનાને પણ મહત્વનું કારણ માનવામાં આવી રહ્યું છે. આ ઘટનામાં એક 5 વર્ષની બાળકીના દુઃખદ મૃત્યુ બાદ રાજ્ય સરકારે રેસ્ટોરન્ટ્સમાં ખાદ્ય ગુણવત્તા અને સ્વચ્છતાને લઈને કડક વલણ અપનાવ્યું છે.
આ ઘટના બાદ આરોગ્ય મંત્રી પ્રફુલ પાનશેરીયાએ સમગ્ર રાજ્યમાં રેસ્ટોરન્ટ્સ અને હોટેલ્સની ખાદ્ય ગુણવત્તા તથા સ્વચ્છતાની તપાસ માટે વિશેષ ડ્રાઇવ હાથ ધરવાના આદેશ આપ્યા હતા.
ખાદ્ય સુરક્ષાના નિયમો તોડનાર સામે કાર્યવાહી ચાલુ રહેશે
રાજ્યના Food and Drug Regulation Department દ્વારા સ્પષ્ટ કરવામાં આવ્યું છે કે નાગરિકોના આરોગ્ય સાથે બેદરકારી રાખનાર અને ખાદ્ય સુરક્ષાના નિયમોનું ઉલ્લંઘન કરનાર સામે કાર્યવાહી ચાલુ રાખવામાં આવશે.
તંત્રનું મુખ્ય ધ્યાન રેસ્ટોરન્ટ્સમાં સ્વચ્છતા જાળવવા, યોગ્ય ગુણવત્તાવાળું ખાદ્ય ઉપલબ્ધ કરાવવા અને અખાદ્ય અથવા અસુરક્ષિત ખોરાકના વેચાણને અટકાવવા પર છે.
આવનારા દિવસોમાં પણ રાજ્યના વિવિધ વિસ્તારોમાં આકસ્મિક ચેકિંગ અને Food Safety Drive વધુ તેજ બનવાની શક્યતા છે. રેસ્ટોરન્ટ સંચાલકો માટે સ્વચ્છતા, ખાદ્ય ગુણવત્તા, લાયસન્સ અને જરૂરી આરોગ્ય સંબંધિત નિયમોનું પાલન હવે વધુ મહત્વપૂર્ણ બની રહેશે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
