મેહુલ ત્રિવેદી, ધારી/ અમરેલી જિલ્લાના જાફરાબાદમાં રહેણાક વિસ્તારમાં સિંહણની અવરજવરથી સ્થાનિકોમાં ભયનો માહોલ સર્જાયો છે. ક્રિષ્ના સોસાયટીમાં એક રહેણાક મકાનમાં ઘૂસી સિંહણે વાછરડીનું મારણ કર્યું હોવાની ઘટના CCTV કેમેરામાં કેદ થઈ છે.
મળતી માહિતી મુજબ, ક્રિષ્ના સોસાયટીમાં રહેતા જીગ્નેશભાઈ જાનીના મકાનમાં સિંહણ પ્રવેશી હતી. મકાનમાં રહેલી વાછરડી પર સિંહણે હુમલો કર્યો હતો. સમગ્ર ઘટનાના દૃશ્યો CCTVમાં રેકોર્ડ થયા હોવાનું જણાવવામાં આવ્યું છે.
View this post on Instagram
મકાનમાં ઘૂસી સિંહણે કર્યો શિકાર
રહેણાક વિસ્તારમાં મોડી રાત્રે સિંહણની હાજરી અને ત્યારબાદ મકાનમાં પ્રવેશી વાછરડીનું મારણ કર્યાની ઘટનાથી આસપાસના લોકોમાં ચકચાર મચી છે.
CCTVમાં કેદ થયેલા દૃશ્યો સોશિયલ મીડિયા પર વાયરલ થયા બાદ જાફરાબાદના રહેવાસીઓમાં વધુ ફફડાટ ફેલાયો છે. રહેણાક વિસ્તારમાં આ રીતે સિંહણની અવરજવર થતાં લોકો હવે ખાસ સાવચેતી રાખી રહ્યા છે.
વીડિયો વાયરલ થતાં લોકોમાં ભય
ઘટનાના CCTV દૃશ્યો સોશિયલ મીડિયા પર ઝડપથી ફેલાઈ રહ્યા છે. વીડિયોમાં રહેણાક મકાનની આસપાસ સિંહણની હિલચાલ જોવા મળતી હોવાનો દાવો કરવામાં આવી રહ્યો છે.
જાફરાબાદમાં રહેણાક વિસ્તારમાં વન્યપ્રાણીની આવી અવરજવર સામે આવતા લોકોમાં સુરક્ષાને લઈને ચિંતા વધી છે. સ્થાનિકોમાં વન વિભાગ દ્વારા જરૂરી તકેદારી અને દેખરેખ રાખવામાં આવે તેવી અપેક્ષા છે.
વન વિભાગની કામગીરી પર નજર
સિંહણ રહેણાક વિસ્તારમાં કેવી રીતે પહોંચી અને તે હાલ ક્યાં છે તે અંગેની સત્તાવાર માહિતીની રાહ જોવાઈ રહી છે. સ્થાનિકોમાં માંગ છે કે રહેણાક વિસ્તારમાં ફરી આવી ઘટના ન બને તે માટે વન વિભાગ દ્વારા પેટ્રોલિંગ વધારવામાં આવે અને જરૂરી પગલાં લેવામાં આવે.
અમરેલી અને આસપાસના વિસ્તારોમાં સિંહોની અવરજવર અવારનવાર જોવા મળે છે. જોકે, રહેણાક મકાનમાં પ્રવેશીને પશુનું મારણ કરવાની આ ઘટના સ્થાનિક સુરક્ષાને લઈને ગંભીર ચિંતા ઊભી કરે છે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
