મેહુલ ત્રિવેદી, ધારી/ અમરેલી જિલ્લાના ધારી પંથકમાં છેલ્લા કેટલાક દિવસોથી અજગરની હાજરી જોવા મળી રહી છે. ધારી નજીક આવેલા વાઘવડી ગામમાં હરણનો શિકાર કરતો અજગર કેમેરામાં કેદ થતાં સ્થાનિકોમાં ભારે કુતૂહલ જોવા મળ્યું હતું.
મળતી માહિતી મુજબ, વાઘવડી ગામ વિસ્તારમાં અજગર હરણનો શિકાર કરતો હોવાની જાણ થતાં સ્થાનિકોએ ઘટનાની જાણ વન વિભાગને કરી હતી. ત્યારબાદ વન વિભાગની ટીમ તેમજ સેવાભાવી રમેશભાઈ કાતરીયાની મદદથી અજગરનું રેસ્ક્યૂ કરવામાં આવ્યું હતું.
View this post on Instagram
રેસ્ક્યૂ બાદ અજગરને પ્રકૃતિના ખોળે છોડાયો
અજગરને સુરક્ષિત રીતે પકડી લીધા બાદ તેને કોઈ નુકસાન ન થાય તેની કાળજી રાખવામાં આવી હતી. રેસ્ક્યૂની કામગીરી પૂર્ણ થયા બાદ અજગરને તેના કુદરતી રહેઠાણમાં લઈ જઈને પ્રકૃતિ વચ્ચે મુક્ત કરવામાં આવ્યો હતો.
વન્યજીવને નુકસાન પહોંચાડ્યા વિના કરવામાં આવેલા આ રેસ્ક્યૂથી સ્થાનિકોમાં પણ રાહત જોવા મળી હતી.
સતત ચોથા દિવસે અજગર દેખાતા ફફડાટ
ધારી પંથકમાં અજગર દેખાવાની આ ઘટના સતત ચોથા દિવસે સામે આવી હોવાનું જાણવા મળી રહ્યું છે. ધારી નજીકના અલગ-અલગ ગામોમાં વારંવાર અજગર દેખાતા સ્થાનિકોમાં ભય સાથે આશ્ચર્યની લાગણી જોવા મળી રહી છે.
અજગર જેવા વિશાળ સરિસૃપની સતત હાજરીને કારણે ગ્રામ્ય વિસ્તારોમાં લોકોમાં ચર્ચા પણ વધી છે. ખાસ કરીને ખેતરો અને આસપાસના વિસ્તારોમાં અવરજવર કરતા લોકો સાવચેતી રાખી રહ્યા છે.
ધારીમાં વારંવાર અજગર દેખાતા ચર્ચા તેજ
ધારી અને આસપાસના વિસ્તારોમાં અગાઉ પણ અજગર જોવા મળવાના બનાવો સામે આવ્યા છે. હવે સતત ચોથા દિવસે અજગર દેખાતા વન્યજીવ પ્રેમીઓમાં પણ રસ વધ્યો છે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
