મોરબી: શહેરના સાવસર પ્લોટ વિસ્તારમાં હોસ્પિટલોની આસપાસ સ્વચ્છતા અને મેડિકલ વેસ્ટના યોગ્ય નિકાલને લઈને ગંભીર સવાલો ઉભા થયા છે. હોસ્પિટલ વિસ્તાર તરીકે ઓળખાતા વિસ્તારમાં જ જાહેરમાં મેડિકલ વેસ્ટ અને ગંદકીના ઢગલા જોવા મળતા સ્થાનિકોમાં ચિંતા ફેલાઈ છે.
સાવસર પ્લોટ વિસ્તારમાં આવેલી મંગલમ હોસ્પિટલ અને પરમેશ્વર પ્લાઝા વચ્ચેની શેરીમાં મેડિકલ વેસ્ટ સહિત કચરો એકઠો થયેલો જોવા મળ્યો હોવાના આક્ષેપો સામે આવ્યા છે. રહેણાંક અને હોસ્પિટલ જેવી આરોગ્યસંબંધિત પ્રવૃત્તિઓ ધરાવતા વિસ્તારમાં આ પ્રકારની સ્થિતિથી સ્થાનિકોના આરોગ્ય સામે જોખમ ઊભું થવાની શક્યતા છે.
સ્થળ પર ગંદકીના ઢગલાઓને કારણે શેરીનો ઉપયોગ પણ મુશ્કેલ બન્યો હોવાનું સામે આવ્યું છે. ખાસ કરીને મેડિકલ વેસ્ટ સામાન્ય કચરાની સાથે અથવા જાહેર સ્થળે પડેલો હોય તો તેના યોગ્ય સંગ્રહ, વર્ગીકરણ અને નિકાલ અંગે સવાલો ઊભા થાય છે.
હોસ્પિટલ વિસ્તારમાં જ જો મેડિકલ વેસ્ટની આવી સ્થિતિ જોવા મળે તો દર્દીઓ, તેમના પરિજનો, સ્થાનિક રહેવાસીઓ તેમજ સફાઈ કર્મચારીઓની સલામતી અંગે ચિંતા સ્વાભાવિક છે. મેડિકલ વેસ્ટના યોગ્ય વ્યવસ્થાપન માટે જવાબદાર તંત્ર દ્વારા નિયમિત દેખરેખ અને અસરકારક કાર્યવાહી જરૂરી બને છે.
સ્થાનિક સ્તરે ઉઠી રહેલા સવાલો વચ્ચે હવે આરોગ્ય વિભાગ અને સંબંધિત તંત્ર દ્વારા સ્થળનું નિરીક્ષણ કરી મેડિકલ વેસ્ટનો યોગ્ય નિકાલ કરાવવામાં આવે અને આવી સ્થિતિ ફરી ન સર્જાય તે માટે જવાબદારી નક્કી કરવામાં આવે તેવી માંગ ઉઠી રહી છે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
