અમરેલી: લાખાપાદર ગામના વિકાસને વેગ મળે અને ગ્રામજનોને વધુ સારી સુવિધાઓ મળી રહે તે હેતુથી યુવા નેતા અજયભાઈ વાળાએ અમરેલી જિલ્લા પંચાયતના ઉપપ્રમુખ મહાવીરબાપુ ભગત સાથે શુભેચ્છા મુલાકાત કરી હતી. આ મુલાકાત દરમિયાન લાખાપાદર ગામ સહિત ધારી તાલુકાના વિવિધ વિકાસલક્ષી પ્રશ્નો અંગે મહત્વપૂર્ણ ચર્ચા કરવામાં આવી હતી.
મુલાકાત દરમિયાન અજયભાઈ વાળાએ લાખાપાદર ગામે આરોગ્ય કેન્દ્ર શરૂ કરવા માટે માંગણી રજૂ કરી હતી. ગ્રામ્ય વિસ્તારના લોકોને પ્રાથમિક આરોગ્ય સેવાઓ માટે દૂર ન જવું પડે તે માટે ગામમાં આરોગ્ય કેન્દ્રની જરૂરિયાત અંગે તેમણે જિલ્લા પંચાયત ઉપપ્રમુખ સમક્ષ રજૂઆત કરી હતી.
આ ઉપરાંત ધારી-ધારગણી બસ સેવા ચાલાલા સુધી લંબાવવા અંગે પણ માંગ કરવામાં આવી હતી. આ બસ સેવા લંબાવવામાં આવે તો લાખાપાદર સહિત આસપાસના ગ્રામ્ય વિસ્તારોના વિદ્યાર્થીઓ અને સામાન્ય મુસાફરોને પરિવહનની વધુ સારી સુવિધા મળી શકે તેવી રજૂઆત કરવામાં આવી હતી.
અજયભાઈ વાળાએ લાખાપાદરથી કરેંણ સુધીના રસ્તાને મંજૂરી આપવા અંગે પણ રજૂઆત કરી હતી. રસ્તાના વિકાસથી સ્થાનિક લોકોની અવરજવર સરળ બનવાની સાથે આસપાસના ગામો વચ્ચેની કનેક્ટિવિટી વધુ મજબૂત બની શકે છે.
મુલાકાત દરમિયાન ગામના અન્ય વિકાસના કામો અને લોકોની વિવિધ સમસ્યાઓ અંગે પણ ચર્ચા કરવામાં આવી હતી. અજયભાઈ વાળાએ વિકાસના પ્રશ્નોને પ્રાથમિકતા આપી જરૂરી કામગીરી કરવા રજૂઆત કરી હતી.
આ પ્રસંગે અજયભાઈ વાળાએ અમરેલી જિલ્લા પંચાયતના સદસ્ય ઘનશ્યામભાઈ હિરપરા સાથે પણ શુભેચ્છા મુલાકાત કરી હતી. સ્થાનિક વિકાસ, આરોગ્ય સુવિધા, જાહેર પરિવહન અને રસ્તા સહિતના પ્રશ્નોને લઈને થયેલી આ મુલાકાતને લાખાપાદર ગામના વિકાસ માટે મહત્વપૂર્ણ રજૂઆત તરીકે જોવામાં આવી રહી છે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
