મુંબઈથી અમદાવાદ તરફ જઈ રહેલી વંદે ભારત એક્સપ્રેસ ટ્રેન પર સુરતના ઉત્રાણ રેલવે સ્ટેશન નજીક પથ્થરમારાની ઘટના સામે આવી છે. ઘટનાને પગલે રેલવે અને પોલીસ તંત્રમાં દોડધામ મચી હતી. મહત્વની વાત એ છે કે ઘટના સમયે ઉત્તર પ્રદેશના રાજ્યપાલ આનંદીબેન પટેલ પણ આ ટ્રેનમાં મુસાફરી કરી રહ્યા હતા.
મળતી માહિતી પ્રમાણે, ટ્રેન ઉત્રાણ વિસ્તાર નજીકથી પસાર થઈ રહી હતી ત્યારે તેના પર પથ્થર ફેંકવામાં આવ્યો હતો. ઘટનાની જાણ થતાં પોલીસ દ્વારા તપાસ હાથ ધરવામાં આવી અને પથ્થરમારાની ઘટનામાં સંડોવાયેલા એક વ્યક્તિને ઝડપી લેવામાં આવ્યો છે.
આરોપી માનસિક રીતે અસ્થિર હોવાનો દાવો
પોલીસ કાર્યવાહી બાદ ઝડપાયેલા આરોપી અંગે પ્રાથમિક અહેવાલોમાં તે માનસિક રીતે અસ્થિર હોવાનું કહેવાય છે. જોકે, ઘટનાની સંપૂર્ણ હકીકત અને પથ્થરમારા પાછળનું ચોક્કસ કારણ પોલીસ તપાસ બાદ વધુ સ્પષ્ટ થઈ શકે છે.
રેલવે માર્ગ પર દોડતી ટ્રેન પર પથ્થરમારાની ઘટનાઓ મુસાફરોની સુરક્ષાને લઈને ગંભીર ચિંતા ઊભી કરે છે. ખાસ કરીને વંદે ભારત જેવી હાઈ-સ્પીડ ટ્રેનને નિશાન બનાવવામાં આવે ત્યારે મુસાફરોની સલામતીનો મુદ્દો વધુ મહત્વનો બની જાય છે.
અગાઉ પણ વંદે ભારત સાથે અકસ્માતની ઘટના
વંદે ભારત ટ્રેન સાથે જોડાયેલી બીજી એક ઘટનામાં તાજેતરમાં ઉત્તર પ્રદેશના મહોબા જિલ્લામાં ટ્રેનની અડફેટે બળદ આવી ગયો હતો. આ અકસ્માતમાં ટ્રેનના આગળના ભાગને નુકસાન પહોંચ્યું હતું.
ખજુરાહોથી વારાણસી જઈ રહેલી વંદે ભારત ટ્રેન મહોબાના કિદારી ગેટ નજીકથી પસાર થઈ રહી હતી ત્યારે અચાનક બળદ ટ્રેનની સામે આવી ગયો હતો. અકસ્માત બાદ ટ્રેનને થોડા સમય માટે રોકી રાખવામાં આવી હતી અને જરૂરી સમારકામ બાદ તેને આગળ રવાના કરવામાં આવી હતી.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
