jammu kashmir: ડોડામાં સુરક્ષા દળોએ ચાર આતંકવાદીઓને કર્યા ઠાર, આર્મી કેપ્ટન થયા શહીદ
ડોડાના અસાર વિસ્તારમાં સુરક્ષાદળો અને આતંકવાદીઓ વચ્ચે હજુ પણ અથડામણ ચાલુ છે. આ અથડામણમાં ચાર આતંકવાદીઓ માર્યા ગયા હોવાના અહેવાલ છે. તે જ સમયે, ભારતીય સેનાના 48 રાષ્ટ્રીય રાઇફલ્સના એક કેપ્ટન શાહિદ થયા છે. સુરક્ષા દળોએ ઓપરેશન શરૂ કર્યું હતું. સુરક્ષા દળોએ એમ4 રાઈફલ કબજે કરી છે. આ ઉપરાંત દારૂગોળો અને લોજિસ્ટિક્સ સામગ્રી પણ મળી આવી છે. આ સાથે ત્રણ બેગ પણ જપ્ત કરવામાં આવી છે.
ભારતીય સેનાએ ડોડાના અસાર વિસ્તારમાં ફરી સર્ચ ઓપરેશન શરૂ કર્યું છે. આ દરમિયાન આતંકીઓએ ફાયરિંગ શરૂ કરી દીધું હતું. સર્ચ પાર્ટીનું નેતૃત્વ કરતી વખતે એન્કાઉન્ટરમાં એક સેના અધિકારી ઘાયલ થયા હતા. જે બાદ તેને હોસ્પિટલમાં લાવવામાં આવ્યા હતા. જ્યાં સારવાર દરમિયાન તેનું મોત નીપજ્યું હતું. શહીદ કેપ્ટન દીપક 48 રાષ્ટ્રીય રાઈફલ્સના છે.
મંગળવારે ઉધમપુરના રામનગર તહસીલના ડુડુ બસંતગઢના પહાડી વિસ્તારમાં ચાર આતંકીઓ જોવા મળ્યા હતા. મોડી સાંજે સુરક્ષા દળોએ આતંકીઓની હાજરીને લઈને સર્ચ ઓપરેશન શરૂ કર્યું હતું. સુરક્ષા દળોને ઘેરી લેતા જોઈને આતંકીઓ અસાર થઈને સીઓજધાર થઈને ડોડા જિલ્લા તરફ આગળ વધ્યા.
ધુમ્મસનો ફાયદો ઉઠાવી આતંકી ભાગ્યા
સૂત્રોના જણાવ્યા અનુસાર સેજધાર વિસ્તારમાં આતંકીઓને જોવામાં આવ્યા હતા પરંતુ તેઓ ધુમ્મસનો ફાયદો ઉઠાવીને નાસી છૂટ્યા હતા. સીઓજધાર વિસ્તારમાં ખરાબ હવામાનને કારણે એટલું બધું ધુમ્મસ હતું કે બે ફૂટ દૂર સુધી જોવાનું મુશ્કેલ બન્યું હતું. જેના કારણે સુરક્ષાદળોને સર્ચ ઓપરેશનમાં મુશ્કેલીનો સામનો કરવો પડ્યો હતો. આતંકવાદીઓના ગયા બાદ સુરક્ષા દળોએ ડોડા તરફ સુરક્ષા ઘેરો વધારી દીધો હતો. એક અઠવાડિયા પહેલા પણ ડુડુ બસંતગઢમાં આતંકવાદીઓ અને સુરક્ષા દળો વચ્ચે ગોળીબાર થયો હતો. ત્યારે પણ આતંકીઓ ભાગી જતા હતા. સુરક્ષા દળોએ આ આતંકવાદીઓને એક સપ્તાહથી જંગલમાં ઘેરી લીધા હતા, પરંતુ ખરાબ હવામાન આ આતંકવાદીઓ માટે ઢાલ બની રહ્યું છે.
