રશિયામાં એક મોટી દુર્ઘટનાના સમાચાર છે. એક રશિયન હેલિકોપ્ટર ઉડાન દરમિયાન ગુમ થઈ ગયું છે. હેલિકોપ્ટર ક્રેશ થવાની આશંકા છે. જે સમયે હેલિકોપ્ટર ગુમ થયું તે સમયે તેમાં ક્રૂના ત્રણ સભ્યો સહિત કુલ 22 લોકો સવાર હતા.
Mi-8T હેલિકોપ્ટર દુર્ઘટનાઓનો ઇતિહાસ ધરાવે છે. મીડિયા રિપોર્ટ્સ અનુસાર, રશિયાના Mi-8T હેલિકોપ્ટરે શનિવારે રશિયાના પૂર્વ વિસ્તારમાં સ્થિત કામચટકા પેનિન્સુલાથી ઉડાન ભરી હતી. હેલિકોપ્ટરમાં ત્રણ ક્રૂ મેમ્બર સહિત કુલ 22 લોકો સવાર હતા. રશિયાની ફેડરલ એર ટ્રાફિક એજન્સીએ જણાવ્યું હતું કે હેલિકોપ્ટરે વાચકાઝેટ્સ બેઝ પરથી ઉડાન ભરી હતી, પરંતુ હેલિકોપ્ટર સમયસર તેના ગંતવ્ય સ્થાને ન પહોંચતાં સર્ચ ઓપરેશન શરૂ કરવામાં આવ્યું હતું.
રશિયન મીડિયાના જણાવ્યા અનુસાર, વિટિયાઝ-એરો એરલાઇનનું Mi-8T એરક્રાફ્ટ, જે વાચકઝેટ્સ જ્વાળામુખીના વિસ્તારમાંથી 25 કિમી દૂર સ્થિત નિકોલાયેવકા ગામ તરફ ઉડાન ભરી રહ્યું હતું, તે પોતાના નિર્ધારિત સમય 7:15 (મોસ્કો સમય) પર સંપર્ક કરવામાં અસફળ રહ્યા હતા. હેલિકોપ્ટર વચકાઝેટ્સ જ્વાળામુખીની નજીક ગુમ થયું હતું અને તેની શોધ માટે અન્ય એરલાઇનને રવાના કરવામાં આવી છે.
Mi-8T એક ટ્વીન એન્જિન હેલિકોપ્ટર છે, જેને વર્ષ 1960માં ડિઝાઇન કરવામાં આવ્યું હતું. રશિયા સિવાય આ હેલિકોપ્ટરનો ઉપયોગ અન્ય ઘણા દેશો દ્વારા પણ કરવામાં આવે છે, પરંતુ આ હેલિકોપ્ટર ક્રેશ થવાનો પણ લાંબો ઈતિહાસ ધરાવે છે.