પ્રધાનમંત્રી નરેન્દ્ર મોદીએ રવિવારે રાષ્ટ્રને સંબોધન કર્યું. તેમણે આવતીકાલથી અમલમાં આવનારા નવી પેઢીના GST સુધારાઓને “GST બચત મહોત્સવ” તરીકે વર્ણવ્યા. તેમણે કહ્યું, “મને એ જોઈને આનંદ થાય છે કે દુકાનદારો પણ GST સુધારાઓ પ્રત્યે ખૂબ ઉત્સાહિત છે. તેઓ GST ઘટાડાને ગ્રાહકો સુધી પહોંચાડવા માટે કામ કરી રહ્યા છે. ઘણી જગ્યાએ ભૂતકાળ અને વર્તમાન દર દર્શાવતા સાઇનબોર્ડ લગાવવામાં આવી રહ્યા છે.”
તેમણે કહ્યું કે આપણે “નાગરિક દેવો ભવ” ના મંત્ર સાથે આગળ વધી રહ્યા છીએ અને આ વાત નેક્સ્ટ જનરેશન જીએસટી સુધારામાં સ્પષ્ટપણે પ્રતિબિંબિત થાય છે. જો આપણે આવકવેરા મુક્તિ અને જીએસટી મુક્તિને જોડીએ, તો એક વર્ષમાં લેવામાં આવેલા નિર્ણયો દેશના લોકોને 2.5 લાખ કરોડ રૂપિયાથી વધુ બચાવશે. એટલા માટે હું કહું છું કે આ એક બચત ઉત્સવ છે.
પ્રધાનમંત્રીએ કહ્યું કે વિકસિત ભારતનું લક્ષ્ય હાંસલ કરવા માટે, આપણે આત્મનિર્ભરતાના માર્ગ પર આગળ વધવું પડશે. આપણા MSME, અથવા નાના, મધ્યમ અને કુટીર ઉદ્યોગો, ભારતને આત્મનિર્ભર બનાવવામાં મહત્વપૂર્ણ જવાબદારી ધરાવે છે. આપણે જે કંઈ પણ સ્થાનિક રીતે ઉત્પાદન કરી શકીએ છીએ, તેનું ઉત્પાદન આપણે સ્થાનિક રીતે કરવું જોઈએ.
આપણા MSME ને બેવડો ફાયદો થશે’
પીએમ મોદીએ કહ્યું, “GST દર ઓછા થવાથી અને નિયમો અને પ્રક્રિયાઓ સરળ થવાથી, આપણા MSMEs ને ઘણો ફાયદો થશે. તેમનું વેચાણ વધશે, અને તેમને ઓછો કર ચૂકવવો પડશે, એટલે કે તેમને બમણો ફાયદો થશે. તેથી, આજે મને MSMEs પાસેથી ઘણી અપેક્ષાઓ છે. તમે જાણો છો કે જ્યારે ભારત સમૃદ્ધિની ટોચ પર હતું, ત્યારે આપણા MSMEs ભારતના અર્થતંત્રનો મુખ્ય આધાર હતા. ભારતમાં બનેલા માલની ગુણવત્તા શ્રેષ્ઠ હતી. આપણે તે ગૌરવ પાછું મેળવવું પડશે.”
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
