સોમવારના ટ્રેડિંગ સેશનમાં ભારતીય શેરબજારમાં દિવસભર ભારે ઉથલપાથલ જોવા મળી હતી. શરૂઆતના તબક્કામાં બજારમાં ખરીદીનો માહોલ રહ્યો હતો, પરંતુ બાદમાં વેચવાલી વધતાં બંને મુખ્ય સૂચકાંકો દબાણ હેઠળ આવ્યા. ટ્રેડિંગના અંતે સેન્સેક્સ 171.72 પોઈન્ટના ઘટાડા સાથે 77,369.11 પર બંધ રહ્યો હતો. જ્યારે નિફ્ટી 50 પણ 32.95 પોઈન્ટ ઘટીને 24,219.05ના સ્તરે બંધ થયો હતો.
બજારમાં નબળા સેન્ટિમેન્ટ વચ્ચે ખાસ કરીને PSU બેંક શેરોમાં વેચવાલીનું દબાણ જોવા મળ્યું હતું. જોકે, મેટલ અને કેટલાક અન્ય ક્ષેત્રોના શેરોમાં ખરીદીએ બજારના ઘટાડાને મર્યાદિત રાખવામાં મદદ કરી હતી.
2,278 શેર ઘટાડા સાથે બંધ
સોમવારના સેશનમાં બજારની અંદર વેચવાલીનું પ્રમાણ ખરીદી કરતાં વધારે રહ્યું હતું. લગભગ 1,970 શેર વધારા સાથે બંધ થયા હતા, જ્યારે 2,278 શેરમાં ઘટાડો નોંધાયો હતો. આશરે 199 શેરમાં ખાસ કોઈ મોટો ફેરફાર જોવા મળ્યો નહોતો.
નિફ્ટી ઇન્ડેક્સમાં SBI Life Insurance, Bajaj Finance, Bajaj Finserv, Bharat Electronics અને Adani Ports જેવા શેરો ઘટાડા સાથે બંધ થયા હતા. બીજી તરફ Hindalco, JSW Steel, Dr. Reddy’s Laboratories, Tata Steel અને HCL Technologiesમાં ખરીદી જોવા મળી હતી.
PSU બેંક ઇન્ડેક્સ સૌથી વધુ દબાણમાં
ક્ષેત્રીય સૂચકાંકોની વાત કરીએ તો IT, Energy, Metal અને Realty સેક્ટર સિવાય મોટાભાગના ક્ષેત્રોમાં નબળાઈ જોવા મળી હતી. PSU Bank Indexમાં લગભગ 1 ટકાનો ઘટાડો નોંધાયો હતો.
આ ઉપરાંત Private Bank, Media અને Consumer Durables ઇન્ડેક્સમાં પણ આશરે 0.3થી 0.5 ટકાનો ઘટાડો રહ્યો હતો. બીજી તરફ મેટલ શેરોમાં આવેલી મજબૂત ખરીદીએ બજારને થોડો સપોર્ટ આપ્યો હતો. મિડકેપ શેરોમાં પણ મિશ્ર વલણ રહ્યું. Nifty Midcap Index 0.13 ટકા વધ્યો હતો, જ્યારે Smallcap Index 0.26 ટકા ઘટીને બંધ રહ્યો હતો.
અમેરિકા-ઈરાન તણાવથી રોકાણકારોમાં ચિંતા
વૈશ્વિક બજારના સેન્ટિમેન્ટ પર અમેરિકા અને ઈરાન વચ્ચેના વધતા તણાવની અસર જોવા મળી રહી છે. રોકાણકારોને ચિંતા છે કે જો બંને દેશો વચ્ચેનો સંઘર્ષ લાંબો ચાલશે તો ક્રૂડ ઓઈલના ભાવમાં વધુ અસ્થિરતા આવી શકે છે અને તેની અસર વૈશ્વિક અર્થતંત્ર પર પડી શકે છે.
અમેરિકાના ટ્રેઝરી સેક્રેટરી સ્કોટ બેસેન્ટે ઈરાન સામેના નવા અમેરિકન પ્રતિબંધોને ખૂબ કડક ગણાવ્યા છે. આ સમગ્ર ભૌગોલિક-રાજકીય તણાવ વચ્ચે વૈશ્વિક બજારોના રોકાણકારો પણ સાવચેતીભર્યું વલણ અપનાવી રહ્યા છે.
બ્રેન્ટ ક્રૂડ 92 ડોલરની ઉપર
આંતરરાષ્ટ્રીય બજારમાં બ્રેન્ટ ક્રૂડના ભાવમાં લગભગ 2 ટકાનો ઘટાડો થયો હોવા છતાં ભાવ પ્રતિ બેરલ 92 ડોલરની ઉપર રહ્યા હતા. ભારત ક્રૂડ ઓઈલની આયાત પર મોટા પ્રમાણમાં નિર્ભર હોવાથી આંતરરાષ્ટ્રીય બજારમાં ઊંચા ક્રૂડ ભાવ દેશના અર્થતંત્ર માટે મહત્વપૂર્ણ ચિંતાનો વિષય બની શકે છે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
