મહિલાઓના સૌંદર્યને ચાર ચાંદ લગાવતા આર્ટિફિશિયલ નેઇલ, જુઓ આ વર્ષે શું આવી રહ્યું છે મહિલાઓને પંસદ…
સમગ્ર ગુજરાતીઓનો મનપસંદ તહેવાર એટલે નવરાત્રી જેની દરેક લોકો આતુરતાથી રાહ જોઈ રહ્યા હોય છે ત્યારે હવે માં અંબાના આગમનને હવે ગણતરીના જ દિવસો બાકી રહ્યા છે. નવરાત્રીમાં ધુમ મચાવવા માટે અગાઉ પાસ બુકિંગ થઈ ગયા છે તેમજ દર વખતની જેમ આ વખતે પણ નવરાત્રિના 9 દિવસમાં અવનવાં લુક્સ મેળવવા માટે મહિલાઓએ ખરીદી શરૂ કરી દીધું છે ત્યારે ગરબે ઘૂમતી નારીઓને હવે આર્ટિફિશિયલ નઈલનું ઘેલુ લાગ્યું છે.
હાલના સમયમાં યુવતીના સૌંદર્યને ચાર ચાંદ લગાડતા શણગારમાં નખનો પણ સમાવેશ થાય છે. યુવતીઓ હવે નેલ આર્ટ દ્વારા કાંડાની સુંદરતામાં ચાર ચાંદ લગાવી રહી છે. રાજકોટમાં પ્રોફેશનલ નેઇલ આર્ટનાં સ્ટુડીયોની બોલબાલા વધી ગઈ છે.નવરાત્રિ નજીક આવતા જ મહિલાઓને નેઈલ આર્ટનું ઘેલુ લાગ્યું છે.અવનવી પેટર્ન અને ડિઝાઈનના મહિલાઓ નેઈલ આર્ટ કરાવવા માટે ઉમટી રહી છે.કોઈ નેઈલ પર માતાજીનું ચિત્ર દોરાવી રહ્યું છે તો કોઈ માતાજીના પગલા કરાવી રહ્યું છે.આ સાથે જ નવરાત્રિના અલગ અલગ સિમ્બોલ પણ કરાવી રહ્યું છે.
મહિલાઓની માંગ મુજબ નેઇલ આર્ટિસ્ટ અદભુત નેઇલ આર્ટ કરી દેતા હોય છે ત્યારે વાત કરીયે રાજકોટની તો એક યુવતીએ પોતાના નેઈલ પર સાથિયો, મા, કળશ, શુભ, લાભ, ઓમ, પગલા, દિવો, કંકુ, ત્રિશુલ સહિત નવરાત્રિના સિમ્બોલ કરાવ્યા છે.એક ખેલૈયા તરીકે ખુબ જ ઉત્સાહ જોવા મળી રહ્યો છે.આ યુવતીએ કહ્યું કે તે છેલ્લા ઘણા વર્ષોથી નેઈલ આર્ટ કરાવે છે.પણ આ વખતે કતેને પોતાના નેઈલમાં અલગ જ પેટર્ન કરાવી છે.જે અત્યારે સૌમાં આકર્ષણનું કેન્દ્ર બન્યું છે.
નેઈલ આર્ટીસ્ટએ જણાવ્યું કે બધા લોકો નવરાત્રિ રિલેટેડ ઘણા નેઈલ આર્ટ કરાવતા જ હોય છે.જેથી ક્લાઈન્ટને યુનિક અને બધા જ અલગ જ મળે તે માટે પ્રયત્ન કરવામાં આવે છે.એમાં પણ રાજકોટિયન્સ ખુબ જ શોખિન હોય છે નેઈલ આર્ટ કરાવવાના.દરેક તહેવારમાં રાજકોટિયન્સને કંઈક અલગ જ જોઈતુ હોય છે.ત્યારે અત્યારે નવરાત્રિ પર લોકો કંઈક નવુ જ માંગી રહ્યાં છે.જેથી અમે પણ તેને ગમતુ કરી આપીએ છીએ.
દરરોજ અવનવા નખ નેઇલ પોલિશથી રંગીને બીજે દિવસે તેને રીમૂવ કરી નવી નેઇલ પોલિશ લગાવવાની ફેશન હવે જતી રહી છે.જેથી હવે આર્ટિફિશિયલ નેઈલ લગાવવાનો ક્રેઝ વધારે જોવા મળી રહ્યો છે. રાજકોટની મોટાભાગની મહિલાઓને એવુ જ જોઈતુ હોય છે કે જે કોઈની પાસે ન હોય અને કોઈ નેઈલ આર્ટ કરાવ્યા ન હોય એવા નેઈલ આર્ટ તેમને કરાવવા હોય છે. આ વર્ષે માતાજીની આકૃતિ પણ નેઈલ આર્ટમાં દોરવામાં આવી છે. આ સાથે જ મલ્ટી ડાયમંડ નેઈલ આર્ટ પણ કરવામાં આવ્યાં છે. નેઇલ આર્ટમાં સૌથી વધુ પોપ્યુલર બ્લુ, પીંક, રેડ, કલર છે અને નેઇલ આર્ટનો ભાવ 200થી 4 હજાર સુધીનો છે.
