લોકસભા ચૂંટણી પહેલા સામાન્ય લોકોને મોટી રાહત મળી છે. પેટ્રોલિયમ અને કુદરતી ગેસ મંત્રી હરદીપ સિંહ પુરીએ ગુરુવારે દેશભરમાં પેટ્રોલ અને ડીઝલના ભાવમાં પ્રતિ લિટર 2 રૂપિયાના ઘટાડા અંગે માહિતી આપી હતી. પેટ્રોલ અને ડીઝલના નવા ભાવ શુક્રવારે સવારે 6 વાગ્યાથી અમલમાં આવશે. આ સિવાય કેટલાક રાજ્યોએ પેટ્રોલ અને ડીઝલ પરના વેટના દરમાં પણ ઘટાડો કર્યો છે, જેના કારણે આ રાજ્યોમાં પેટ્રોલ અને ડીઝલના ભાવમાં પ્રતિ લિટર કુલ 5-5 રૂપિયાનો ઘટાડો થયો છે.
સરકારી પેટ્રોલિયમ કંપનીઓ દ્વારા પેટ્રોલ અને ડીઝલના ભાવમાં સુધારો કરવાના નિર્ણય બાદ કેન્દ્ર સરકારે પેટ્રોલ અને ડીઝલના ભાવમાં ઘટાડો કરવાની જાહેરાત કરી છે. લાંબા સમય બાદ દેશમાં પેટ્રોલ અને ડીઝલના ભાવમાં ઘટાડો કરવામાં આવ્યો છે. આ પહેલા દેશમાં પેટ્રોલ અને ડીઝલના ભાવમાં વર્ષ 2022માં ફેરફાર કરવામાં આવ્યો હતો.
पेट्रोल और डीज़ल के दाम ₹2 रुपये कम करके देश के यशस्वी प्रधानमंत्री श्री @narendramodi जी ने एक बार फिर साबित कर दिया कि करोड़ों भारतीयों के अपने परिवार का हित और सुविधा सदैव उनका लक्ष्य है।
वसुधा का नेता कौन हुआ?
भूखण्ड-विजेता कौन हुआ?
अतुलित यश क्रेता कौन हुआ?
नव-धर्म… https://t.co/WFqoTFnntd pic.twitter.com/vOh9QcY26C— Hardeep Singh Puri (मोदी का परिवार) (@HardeepSPuri) March 14, 2024
પેટ્રોલ અને ડીઝલના નવા ભાવ
પેટ્રોલિયમ કંપનીઓના આ ઘટાડા બાદ દેશની રાજધાની દિલ્હીમાં પેટ્રોલની કિંમત 94.72 રૂપિયા પ્રતિ લીટર થઈ ગઈ છે જે પહેલા 96.72 રૂપિયા પ્રતિ લીટર હતી. જ્યારે મુંબઈમાં હવે આ કિંમત 104.21 રૂપિયા પ્રતિ લિટર, કોલકાતામાં 103.94 રૂપિયા પ્રતિ લિટર અને ચેન્નાઈમાં 100.75 રૂપિયા પ્રતિ લિટર હશે.
