શેરબજારમાં આજે હોબાળો જોવા મળ્યો હતો. નિફ્ટીમાં 345 પોઈન્ટનો મોટો ઘટાડો થયો છે અને તે 22,000ની નીચે આવી ગયો છે. જ્યારે સેન્સેક્સ 1062 પોઈન્ટ ઘટીને 72,404ની સપાટીએ બંધ રહ્યો હતો. આ સપ્તાહનો આ સૌથી મોટો ઘટાડો છે. છેલ્લા પાંચ ટ્રેડિંગ સેશનમાં સેન્સેક્સ 75,000 થી ઘટીને 72 હજારની આસપાસ, જ્યારે નિફ્ટી 22,750 થી ઘટીને 21,957 પર બંધ થયો છે.
ગુરુવારે એટલે કે 9મી મે 2024ના રોજ, ટોચના 30 BSE લિસ્ટેડ શેરમાંથી 25માં મોટો ઘટાડો થયો હતો. માત્ર 5 શૅર વધ્યા હતા. ટાટા મોટર્સના શેરમાં લગભગ 2 ટકા, મહિન્દ્રા એન્ડ મહિન્દ્રાના શેરમાં 1.48 ટકા, SBIના શેરમાં 1.27 ટકા અને ઇન્ફોસિસ, HCLના શેરમાં થોડો વધારો થયો છે. ખોટ કરી રહેલા 25 શેરોમાં સૌથી મોટો ઘટાડો L&Tના શેરમાં 5.56 ટકા હતો. આ પછી એશિયન પેઈન્ટ્સ, જેએસડબ્લ્યુ સ્ટીલ, આઈટીસી, બજાજ ફાઈનાન્સ અને ઈન્ડસઈન્ડ બેંકના શેરમાં 5 ટકા સુધીનો ઘટાડો થયો છે.
શરૂઆતના ટ્રેડિંગમાં શેરબજારમાં થોડો ઘટાડો જોવા મળ્યો હતો, પરંતુ પછી મજબૂત પ્રોફિટ બુકિંગને કારણે વેચવાલી પ્રબળ બની હતી અને થોડા જ સમયમાં માર્કેટમાં મોટો ઘટાડો જોવા મળ્યો હતો બુધવારે વિદેશી રોકાણકારો દ્વારા કુલ રૂ. 6669.10 કરોડ છે. FII એ પાંચ ટ્રેડિંગ સેશનમાં કુલ રૂ. 15,863 કરોડની ઇક્વિટી વેચી છે. આ સિવાય કેટલીક કંપનીઓના ખરાબ પરિણામોના કારણે પણ શેરબજારમાં ઘટાડો નોંધાયો છે. આજે નિફ્ટીની એક્સપાયરી પણ હતી જેની બજાર પર નકારાત્મક અસર જોવા મળી હતી.
7.3 લાખ કરોડનું નુકસાનઃ
આજે શેરબજારમાં રોકાણકારોને રૂ. 7.3 લાખ કરોડનું નુકસાન થયું હતું. કારણ કે ગુરુવારે BSE લિસ્ટેડ કંપનીઓનું માર્કેટ કેપ રૂ. 7.3 લાખ કરોડ ઘટીને રૂ. 393.73 લાખ કરોડ થયું હતું, જે એક દિવસ અગાઉ રૂ. 400 લાખ કરોડના સ્તરે હતું.
