ગૃહમંત્રી અમિત શાહે શેરબજાર પર આપ્યું મોટું નિવેદન, જાણો શું કહ્યું…
દેશમાં લોકસભા ચૂંટણીના ચોથા તબક્કાનું મતદાન ચાલી રહ્યું છે. આ દરમિયાન કેન્દ્રીય ગૃહમંત્રીએ ભારતીય શેરબજારને લઈને મોટી ટિપ્પણી કરી છે. તેમણે એક ખાનગી ચેનલને આપેલા ઈન્ટરવ્યુ દરમિયાન કહ્યું કે જો સરકાર સ્થિર રહેશે તો બજાર ચોક્કસપણે ઉપર જશે.
કેન્દ્રીય ગૃહમંત્રીએ કહ્યું કે શેરબજારના ઉતાર-ચઢાવને ચૂંટણી સાથે ન જોડવો જોઈએ. પરંતુ, જો આવી અફવા હોય તો હું તમને 4 જૂન પહેલા (શેર) ખરીદવાનું સૂચન કરીશ. તે આગળ વધશે.
NDTV સાથે વાત કરતા ગૃહમંત્રી અમિત શાહે કહ્યું, “હું આ એટલા માટે કહી રહ્યો છું કારણ કે અમે 400થી વધુ સીટો જીતવા જઈ રહ્યા છીએ અને એક સ્થિર મોદી સરકાર સત્તામાં આવશે. આવી સ્થિતિમાં શેરબજાર ચોક્કસપણે ઉપર જશે. જોકે, વાતચીત દરમિયાન તેમણે એમ પણ કહ્યું કે ચૂંટણી અને શેરબજારની ગતિવિધિઓને જોડવી જોઈએ નહીં.
