જુનાગઢ: કીર્તિ પટેલ સામે વધુ એક ફરિયાદ નોંધાતા મામલો ફરી ચર્ચામાં આવ્યો છે. ફિનાઇલ પી આત્મહત્યાનો પ્રયાસ કરનાર અફઝલ સીડા નામના યુવકે ગંભીર આક્ષેપો સાથે પોલીસમાં અરજી નોંધાવી હોવાનું જાણવા મળ્યું છે.
હોસ્પિટલમાંથી નોંધાવાઈ ફરિયાદ
માહિતી મુજબ, અફઝલ સીડા હાલ સારવાર હેઠળ છે. પ્રથમ જેતપુર ખાતે સારવાર આપવામાં આવી હતી અને બાદમાં વધુ સારવાર માટે જુનાગઢ સિવિલ હોસ્પિટલમાં ખસેડવામાં આવ્યા છે. હોસ્પિટલમાં દાખલ હાલતમાં જ તેમણે પોલીસ સમક્ષ લેખિત ફરિયાદ નોંધાવી છે.
વીડિયો બનાવ્યો હોવાનો દાવો
ફરિયાદમાં જણાવ્યા મુજબ, સનાતન ધર્મ અને ઇન્દ્રભારતીને બદનામ ન થાય તે હેતુથી એક વીડિયો બનાવવામાં આવ્યો હતો. આ વીડિયો મામલે દિવ્યા સાવલાની, કીર્તિ પટેલ અને જસપાલ ભટ્ટી સહિતના કેટલાક લોકોએ ફોન પર ધમકી આપી હોવાનો આક્ષેપ કરવામાં આવ્યો છે.
20 લાખ રૂપિયાની માંગણીનો આક્ષેપ
અફઝલ સીડાએ ફરિયાદમાં દાવો કર્યો છે કે તેમની પાસે ₹20 લાખની માંગણી કરવામાં આવી હતી. રકમ ચૂકવવાની ક્ષમતા ન હોવાથી માનસિક દબાણમાં આવી ફિનાઇલ પી લીધું હોવાનું જણાવ્યું છે.
પોલીસ તપાસ શરૂ
જેતપુર પોલીસ દ્વારા પ્રાથમિક કાર્યવાહી હાથ ધરાઈ હતી અને હાલ સમગ્ર મામલે વધુ તપાસ શરૂ કરવામાં આવી છે. પોલીસ તરફથી સત્તાવાર નિવેદનની રાહ જોવાઈ રહી છે.
આક્ષેપોની સત્યતા તપાસ બાદ જ સ્પષ્ટ થ
