જો તમે ઓનલાઈન પેમેન્ટ માટે ગૂગલ પે, ફોનપે, પેટીએમ જેવી સેવાઓનો ઉપયોગ કરો છો તો તમારા માટે ઉપયોગી સમાચાર છે. આજે ફરી શનિવારે UPI યુઝર્સને આઉટેજનો સામનો કરવો પડ્યો. UPI ડાઉન હોવાને કારણે, કરોડો યુઝર્સ ને ડિજિટલ ચુકવણીમાં સમસ્યાઓનો સામનો કરવો પડ્યો. ઘણા યુઝર્સે સોશિયલ મીડિયા પર UPI સેવા ડાઉન હોવાની ફરિયાદ પણ કરી હતી.
ડાઉનડિટેક્ટર દ્વારા પણ UPI ડાઉનની પુષ્ટિ કરવામાં આવી હતી, જે એક લોકપ્રિય વેબસાઇટ છે જે આઉટેજને ટ્રેક કરે છે. ડાઉનડિટેક્ટર મુજબ, UPI ડાઉન થવાની સમસ્યા બપોરે 12 વાગ્યે શરૂ થઈ હતી. UPI માં આ ખામીથી મોટી સંખ્યામાં યુઝર્સ પ્રભાવિત થયા હતા. 12.30 મિનિટ સુધીમાં, 1800 થી વધુ યુઝર્સ એ ગૂગલ પે, ફોનપે, પેટીએમ, એસબીઆઈની ડિજિટલ ટ્રાન્ઝેક્શન સેવાઓ બંધ થવાની ફરિયાદ કરી. NPCI એ હજુ સુધી UPI માં આઉટેજના કારણો અંગે કોઈ સત્તાવાર માહિતી શેર કરી નથી.
UPI યુઝર્સ એ અહેવાલ આપ્યો
UPI ડાઉન હોવાને કારણે, સ્થાનિક ખરીદી, ઓનલાઈન બિલ ચુકવણી અને પૈસા ટ્રાન્સફર સહિતના ઘણા કાર્યો અટકી ગયા. ડાઉનડિટેક્ટર મુજબ, લગભગ 66% યુઝર્સ એ જણાવ્યું હતું કે તેઓ ડિજિટલ ચુકવણીમાં સમસ્યાઓનો સામનો કરી રહ્યા છે જ્યારે 34% યુઝર્સ એ ફંડ ટ્રાન્સફરમાં સમસ્યાઓની જાણ કરી હતી.
UPI ડિજિટલ પેમેન્ટ માટેનું સૌથી મોટું પ્લેટફોર્મ છે. તે NPCI દ્વારા તૈયાર કરવામાં આવ્યું છે. આ ઓનલાઈન પેમેન્ટ પ્લેટફોર્મ સંપૂર્ણપણે ભારતીય રિઝર્વ બેંકની દેખરેખ હેઠળ કામ કરે છે. UPI દ્વારા ચુકવણી કરવી આજે લોકોના જીવનનો એક ભાગ બની ગઈ છે. આ જ કારણ છે કે જ્યારે UPI માં આઉટેજની સમસ્યા હોય છે, ત્યારે લાખો લોકો તેનાથી પ્રભાવિત થાય છે.
આ પહેલી વાર નથી જ્યારે UPI યુઝર્સને આઉટેજનો સામનો કરવો પડી રહ્યો હોય. આવી સમસ્યાઓ પહેલા પણ ઘણી વખત ઉભી થઈ છે. તાજેતરમાં 26 માર્ચે પણ UPI ડાઉન હતું. જોકે, તે સમયે, NPCI દ્વારા આ સમસ્યાનો ઉકેલ થોડા જ સમયમાં આવી ગયો હતો.
News Hotspot સાથે જોડાવવા અહી ક્લિક કરો
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
