ક્યાંક  આયેશા તો ક્યાંક એ નિર્ભયા હોય છે

સ્ત્રીની હાલત તો કાયમી ત્યાં ની ત્યાં હોય છે
ક્યાંક આયેશા તો ક્યાંક એ નિર્ભયા  હોય છે

વાતો  તો પુરુષો  મોટી મોટી  કરે છે  યુગોથી
અગ્નિ પરીક્ષા,વસ્ત્રાહરણની ના  દયા હોય છે

જેટલી ગાળો હોય છે તે બધી છે સ્ત્રી સંદર્ભી
ભ્રુણ હત્યામાં ય દીકરીની  જ કાયા  હોય  છે

‘વહુ’ આજીવન ‘વહુ’ તરીકે  પારકી લેખાય છે
દહેજ,હિંસા,રેપમાં કેટલાંયની  માયા હોય  છે

સમોવડીનાં સપનાં જોતી રહે છે આજીવન એ
ઇમારતો રહે ઊંચી,પાયા હંમેશા પાયા હોય છે

-મિત્તલ ખેતાણી(રાજકોટ,M.9824221999)નાં કાવ્ય સંગ્રહ ‘શબ્દ ઘેર આનંદ ભયો’માં થી