આ એક્ઝિટ પોલ વધારશે ઇન્ડી ગઠબંધનનું ટેન્શન, ગુજરાત સહિત આ રાજ્યોમાં કોંગ્રેસનું નહિ ખૂલે ખાતું?
લોકસભા ચૂંટણીના એક્ઝિટ પોલ આવી ગયા છે. ઈન્ડિયા ટીવી-સીએનએક્સ એક્ઝિટ પોલના ડેટાએ ઈન્ડિયા ગઠબંધનની ટેન્શન વધારી દીધી છે. આ એક્ઝિટ પોલ મુજબ કોંગ્રેસને છત્તીસગઢ, એમપી, પુડુચેરી, આંધ્ર, રાજસ્થાન, ઓડિશામાં મોટો ફટકો પડતો જણાય છે. પાર્ટી આ રાજ્યોમાં ખાતું પણ ખોલશે તેવું લાગતું નથી.
ગુજરાત
ઈન્ડિયા ટીવી-સીએનએક્સ એક્ઝિટ પોલ દર્શાવે છે કે ભાજપ પીએમ મોદીના ગૃહ રાજ્ય ગુજરાતમાં ક્લીન સ્વીપ કરે છે. પાર્ટી રાજ્યની તમામ 26 બેઠકો પર જીત મેળવતી દેખાઈ રહી છે. સાથે જ કોંગ્રેસ એક પણ સીટ જીતે તેવું લાગતું નથી.
છત્તીસગઢ
11 સીટો ધરાવતા છત્તીસગઢમાંથી પણ કોંગ્રેસ માટે સારા સમાચાર નથી આવી રહ્યા. છત્તીસગઢમાં બીજેપી 10-11 સીટો જીતતી જોવા મળી રહી છે, જ્યારે કોંગ્રેસને 0-1 સીટ મળતી જોવા મળી રહી છે.
MP–
BJP MP માં ક્લીન સ્વીપ કરતી જોવા મળી રહી છે. અહીં પાર્ટી 29માંથી 28-29 સીટો જીતતી દેખાઈ રહી છે. જ્યારે કોંગ્રેસ 0-1 સીટ સુધી સીમિત જણાય છે.
પુડુચેરી
પુડુચેરીની એકમાત્ર સીટ પર બીજેપી જીતતી હોય તેવું લાગી રહ્યું છે. અહીં પણ કોંગ્રેસનું ખાતું ખૂલતું જણાતું નથી.
આંધ્રપ્રદેશ- 25 સીટોવાળા આંધ્ર પ્રદેશમાં એનડીએને 19થી 23 સીટો મળતી જોવા મળી રહી છે. જ્યારે સત્તાધારી YSRને 2-6 બેઠકો મળવાની ધારણા છે.
ઓડિશા
21 સીટો ધરાવતી ઓડિશામાંથી બીજેપી માટે સારા સમાચાર આવી રહ્યા છે. અહીં ભાજપ 15-17 સીટો જીતે તેમ લાગી રહ્યું છે. જ્યારે બીજેડીને 4-6 બેઠકો મળી રહી છે. જ્યારે કોંગ્રેસનું ખાતું પણ અહીં ખૂલતું જણાતું નથી.
હરિયાણા-દિલ્હીમાં ભાજપની હાર
હરિયાણામાં ભાજપને 2-4 સીટોનું નુકસાન થતું જોવા મળી રહ્યું છે. 10 બેઠકોના આ રાજ્યમાં ભાજપ 6-8 બેઠકો જીતે તેવું લાગી રહ્યું છે. જ્યારે કોંગ્રેસને 2-4 બેઠકો મળવાની ધારણા છે.
આ સિવાય બીજેપી દિલ્હીમાં પણ એક સીટ ગુમાવી શકે છે. દિલ્હીમાં ભાજપ 6-7 બેઠકો જીતી શકે છે, જ્યારે કોંગ્રેસને 0-1 બેઠક મળી શકે છે, જ્યારે AAPનું ખાતું પણ ખૂલતું દેખાતું નથી.
