લોકસભાની ચૂંટણી પૂર્ણ થતાંની સાથે જ ગુજરાતમાં સંગઠનમાં મોટા ફેરફાર થવાના એંધાણ હતા. ત્યારે બીજી તરફ પાટીલે પણ બીજા પ્રદેશ અધ્યક્ષને લઈને ઈજશારો કર્યો હતો. આ દરમિયાન હવે આગામી સ્થાનિક સ્વરાજની ચૂંટણી પાટીલની સુકાની હેઠળ લડાય તેવા સંકેત આપ્યા છે. ભાજપે સ્થાનિક સ્વરાજની ચૂંટણીની તૈયારી શરૂ કરી દીધી છે.
OBC અનામતના કારણે અટકેલી ગુજરાતની સ્થાનિક સ્વરાજ્યની સંસ્થાઓની ચુંટણી આગામી સપ્ટેમ્બરમાં યોજાવાની શકયતા ના પગલે ભાજપે તૈયારીઓ શરૂ કરી છે. ઉપરાંત ગુજરાત ભાજપ આ તમામ ચૂંટણીઓ પાટીલની આગેવાનીમાં લડશે, તેવા સંકેત પણ આજે ભાજપ કાર્યલય કમલમ ખાતે યોજાયેલી 2 બેઠકોમાં પાટીલે કરેલા સંબોધનથી મળી રહ્યા છે. આજની બેઠકમાં ચૂંટણીઓ માટેની જવાબદારીઓ સોંપવા માટેની ચર્ચા કરવામાં આવી હતી. આગામી દિવસોમાં ગુજરાત ભાજપના 2 મહામંત્રીઓ આ જવાબદારી વહેચણી કરશે તેવું નક્કી કરવામાં આવ્યું હતું.
પ્રદેશ ભાજપ કાર્યાલય કમલમ ખાતે યોજાયેલી બેઠક પ્રદેશ પ્રમુખ સીઆર પાટીલના અધ્યક્ષ સ્થાને મળી હતી. જેમાં પ્રથમ બેઠક ભાજપના પ્રદેશના હોદેદારોની બેઠક મળી હતી. ભાજપના મહામંત્રી રજની પટેલ અને વિનોદ ચાવડા તેમજ સંગઠન મહામંત્રી રત્નાકરજી ઉપસ્થિતિમાં મળી હતી. બીજી બેઠક આવનારી જિલ્લા પંચાયત, નગર પાલિકા, તાલુકા પંચાયતની ચૂંટણીને લઈ ભાજપ પ્રદેશ પ્રમુખ સીઆર પાટીલની અધ્યક્ષતામાં મળી હતી.
યોજાશે આટલી ચૂંટણી
સ્થાનિક સ્વરાજ્યની ચૂંટણી અંગે મંથન થયું હતું. જે મુજબ આવનાર સમયમાં રાજ્યમાં 5300 જેટલી ગ્રામ પંચાયત, 75 નગર પાલિકા, 17 તાલુકા પંચાયત સાથે સાથે ખેડા અને બનાસકાંઠા એમ 2 જિલ્લા પંચાયત ચૂંટણી પણ યોજવાની છે. જે અંગે ભાજપની આજે મળેલી બેઠકમાં ચૂંટણીની પૂર્વ તૈયારીઓ અંગે બેઠકમાં મંથન થયું હતું. આવનાર દિવસોમાં ભાજપ સ્થાનિક સ્વરાજ્યની ચૂંટણીમાં હોદેદારો જવાબદારી નિયુક્ત કરશે. ત્યારે પૂર્વ ધારાસભ્ય, પૂર્વ મંત્રી સહિત નેતાઓને જવાબદારી સોંપવામાં આવી છે.
આ નેતાઓને સોંપવામાં આવી જવાબદારી
