ઉર્વશી રૌતેલા શૂટિંગ દરમિયાન થઈ ગંભીર રીતે ઇજાગ્રસ્ત, હોસ્પિટલમાં દાખલ…
અભિનેત્રી ઉર્વશી રૌતેલા માત્ર તેની ફિલ્મો માટે જ નહીં પરંતુ તેના અંગત જીવન માટે પણ ઘણી ચર્ચામાં રહે છે. તે પોતાની સાથે જોડાયેલી માહિતી ફેન્સ સાથે શેર કરે છે. હવે તાજેતરમાં સમાચાર આવી રહ્યા છે કે અભિનેત્રી હૈદરાબાદમાં ફિલ્મના શૂટિંગ દરમિયાન ઘાયલ થતાં હોસ્પિટલમાં દાખલ છે.
અભિનેત્રી ઉર્વશી રૌતેલા નંદામુરી બાલકૃષ્ણાની તેલુગુ ફિલ્મ ‘NBK 109’માં જોવા મળશે. મીડિયા રિપોર્ટ્સ અનુસાર, હૈદરાબાદમાં ફિલ્મના શૂટિંગ દરમિયાન ઇજાગ્રસ્ત થયા બાદ અભિનેત્રી હોસ્પિટલમાં દાખલ છે. આ ફિલ્મમાં બોબી દેઓલ પણ મુખ્ય ભૂમિકામાં છે. જો મીડિયા રિપોર્ટ્સ પર વિશ્વાસ કરવામાં આવે તો ઉર્વશીની ટીમ દ્વારા જારી કરવામાં આવેલા પ્રેસ સ્ટેટમેન્ટમાં કહેવામાં આવ્યું હતું કે અભિનેત્રીને ફ્રેક્ચર થયું છે. હવે તેને હોસ્પિટલમાં દાખલ કરવામાં આવી છે, જ્યાં તેને શ્રેષ્ઠ સારવાર આપવામાં આવી રહી છે. ઉર્વશીની ટીમે વધુમાં જણાવ્યું હતું કે હાઈ-ઓક્ટેન સીન શૂટ કરતી વખતે તેણીને ફ્રેક્ચર થયું હતું.
આ ફિલ્મના શૂટિંગ દરમિયાન ઘાયલ થયેલા
અહેવાલ મુજબ , ઉર્વશી તાજેતરમાં ‘NBK 109’ ના ત્રીજા શેડ્યૂલના શૂટિંગ માટે હૈદરાબાદ જવા રવાના થઈ હતી. ઉર્વશીના સ્વાસ્થ્ય અપડેટ તેમજ અકસ્માત અંગે વધુ વિગતોની રાહ જોવાઈ રહી છે. ઉર્વશીએ હૉસ્પિટલની કોઈ તસવીર કે વીડિયો શૅર કર્યો નથી. NBK 109 આ ફિલ્મનું સંભવિત નામ છે. તે નવેમ્બર 2024 માં ફ્લોર પર આવશે. બોબી કોલી દ્વારા નિર્દેશિત આ ફિલ્મમાં થમન એસ દ્વારા સંગીત આપવામાં આવ્યું છે. જોકે મેકર્સે હજુ સુધી ફિલ્મની રિલીઝ ડેટ જાહેર કરી નથી.
