મહેસાણાના કડી તાલુકાના જાસલપુર ગામની સીમમાં આવેલી સ્ટીલ ઇનોક્સ સ્ટેઇનલેસ પ્રા.લિ.માં કામ કરતી વખતે માટીની ભેખડ પડતાં 10 થી વધુ મજૂરો દટાયા હોવાની ઘટના સામે આવી છે. આ અકસ્માતમાં 6 મજૂરનાં મોત નીપજ્યાં છે, જેમાં એક મહિલા છે તેમજ 3 મજૂર હજુ દટાયેલા છે.
ભેખડ ઘસી પડવાની ઘટનામાં દટાયેલા મજૂરોને બહાર કાઢવા માટે હાલ JCBની મદદ લેવામાં આવી રહી છે. જ્યારે ઘટનાસ્થળે પાંચ જેટલી એમ્બ્યુલન્સ પણ આવી પહોંચી છે. આ દુર્ઘટનાની જાણ થતાં DDO ડો. હસરત જાસ્મીન, SP ડૉ તરૂણ દુગ્ગલ, Dy.SP મિલાપ પટેલ સહિતનો પોલીસ કાફલો તેમજ ફાયર વિભાગની ટીમ ઘટનાસ્થળે પહોંચી છે.
દિવાલ બનાવવાની કામગીરી શરૂ હતી
સ્ટીલ ઇનોક્સ સ્ટેઇનલેસ પ્રા.લિ. કંપનીમાં દીવાલ બનાવવાનું કામ હાલમાં ચાલી રહ્યું છે. મજૂરો કંપનીની દીવાલ બનાવવાનું કામ કરી રહ્યા હતા એ દરમિયાન અચાનક જ માટીની ભેખડ પડતાં 9 મજૂરો દટાઈ જવાના સમાચાર આવ્યા છે, જેમાંથી 6 મજૂરનાં મોત નીપજ્યાં છે અને 3 મજૂરો હજુ દટાયેલા છે.
