મહારાષ્ટ્રમાં હવે કોરોના વાયરસનો કહેર ઓછો થવા લાગ્યો છે. આવી પરિસ્થિતિમાં મહારાષ્ટ્રના શાળાના શિક્ષણ પ્રધાન વર્ષા ગાયકવાડે શાળા શરૂ થવાના મામલે મોટું નિવેદન આપ્યું છે. શાળાના શિક્ષણ પ્રધાન વર્ષા ગાયકવાડનું કહેવું છે કે મહારાષ્ટ્રમાં 15 જુલાઇથી શાળાઓ ખુલશે.
જો કે, આ સમય દરમિયાન ફક્ત 8 થી 12 ધોરણના વિદ્યાર્થીઓને જ શાળામાં આવવાની મંજૂરી આપવામાં આવશે. આ દરમિયાન શાળાના શિક્ષણમંત્રીએ સ્પષ્ટ કર્યું કે શાળા ખોલવાની આ તૈયારી હાલમાં શહેરી વિસ્તારોમાં નથી. શાળાઓ ફક્ત મહારાષ્ટ્રના તે ગ્રામીણ વિસ્તારોમાં ખુલશે જ્યાં કોરોના વાઇરસ ના કોઈ કેસ નથી.
શિક્ષણમંત્રીએ કહ્યું કે અમે હજી બધી જગ્યાએ શાળાઓ ખોલવા માટે તૈયાર નથી . શાળાઓ ફક્ત તેજ ગ્રામીણ વિસ્તારોમાં ખોલવામાં આવશે જ્યાં છેલ્લા એક મહિનામાં કોરોનાનો એક પણ કેસ નોંધાયો નથી જે ગામો જવાબદારી લેશે કે તેઓ એકસાથે કોરોના સામે લડવા માટે ઉભા છે. તે સ્થળોએ શાળાઓ ખોલવામાં આવશે.
