Paytm ની પેરન્ટ કંપની One97 Communications ના પ્રમુખ અને COO ભાવેશ ગુપ્તાએ કંપનીમાંથી રાજીનામું આપી દીધું છે. શનિવારે જારી સત્તાવાર નિવેદનમાં આ માહિતી આપવામાં આવી છે. ભાવેશ ગુપ્તા કંપનીમાં ઓનલાઈન અને ઓફલાઈન પેમેન્ટ અને લોન બિઝનેસ સહિત અન્ય કાર્યો સંભાળતા હતા.
નિવેદનમાં કહેવામાં આવ્યું છે કે ગુપ્તાએ અંગત કારણોસર પદ પરથી રાજીનામું આપ્યું છે. તેમને 31 મેના રોજ કંપનીની સેવાઓમાંથી મુક્ત કરવામાં આવશે. જો કે, તે આ વર્ષના અંત સુધી કંપની સાથે સલાહકારની ભૂમિકામાં રહેશે. ભાવેશ ગુપ્તા ઓગસ્ટ 2020 માં Paytm માં જોડાયા હતા.
One97 Communications
One97 Communications Limited તરફથી નિવેદન કહે છે કે કંપની તેની નેતૃત્વ ટીમને વિસ્તારી રહી છે. કંપનીએ પેટીએમના સીઈઓ અને વરિષ્ઠ મેનેજમેન્ટ સાથે સીધું કામ કરવા માટે તેની લીડરશિપ ટીમનો વિસ્તાર કર્યો છે. કંપનીએ જણાવ્યું કે પેટીએમના પેમેન્ટ્સ અને ક્રેડિટ બિઝનેસનું નેતૃત્વ કરનારા એક્ઝિક્યુટિવ્સ પેટીએમમાં પાંચ વર્ષથી વધુનો અનુભવ ધરાવે છે. આ અનુભવી નેતૃત્વ ટીમ હવે પેટીએમના સીઈઓ સાથે સીધી રીતે કામ કરશે. વધુમાં એવું કહેવાય છે કે કંપનીના પ્રમુખ અને ચીફ ઓપરેટિંગ ઓફિસર ભાવેશ ગુપ્તાએ અંગત કારણોસર પોતાની કારકિર્દીમાંથી બ્રેક લેવાનો નિર્ણય કર્યો છે. જો કે, તે સલાહકારની ભૂમિકામાં ચાલુ રહેશે.
ટીમમાં આ ફેરફારો થયા છેઃ
તાજેતરમાં જ રાકેશ સિંહને Paytm Money Limited (PML)ના નવા ચીફ એક્ઝિક્યુટિવ ઓફિસર તરીકે નિયુક્ત કરવામાં આવ્યા છે. અગાઉ, રાકેશ સિંહ ફિસ્ડમ ખાતે સ્ટોક બ્રોકિંગ બિઝનેસના સીઈઓ હતા. તેમણે ICICI સિક્યોરિટીઝ અને સ્ટાન્ડર્ડ ચાર્ટર્ડ બેંકમાં ચાવીરૂપ મેનેજમેન્ટ હોદ્દાઓ સંભાળ્યા છે. આ ઉપરાંત, કંપનીએ કહ્યું કે પેટીએમ મની લિમિટેડના ભૂતપૂર્વ વડા વરુણ શ્રીધર હવે સીઈઓ તરીકે PSPLનું નેતૃત્વ કરી રહ્યા છે. Paytmના સ્થાપક અને CEO વિજય શેખર શર્માનું કહેવું છે કે પેમેન્ટ અને ધિરાણ પર કંપનીનું ફોકસ પહેલા કરતા વધુ મજબૂત છે.
રોજ બરોજની ઘટના થી સતત અપડેટ રહેવા તથા News Hotspotના WHATS APP ગ્રુપ જોઈન કરવા અહી ક્લિક કરો
