ગુજરાતમાં આગામી 2027ની વિધાનસભા ચૂંટણીને ધ્યાનમાં રાખીને આમ આદમી પાર્ટીએ સંગઠનને વધુ મજબૂત બનાવવાની કવાયત તેજ કરી છે. પાર્ટીના પ્રદેશ સંગઠન મહામંત્રી મનોજ સોરઠિયાએ જણાવ્યું છે કે AAPનું સંગઠન રાજ્યમાં સતત વિસ્તરી રહ્યું છે અને હવે પાર્ટીનું મુખ્ય ધ્યાન બુથ સ્તર સુધી સંગઠનને મજબૂત બનાવવા પર છે.
મનોજ સોરઠિયાના જણાવ્યા મુજબ, ગુજરાતમાં 50 હજારથી વધુ બુથ પર મજબૂત સંગઠન ઊભું કરવાનો લક્ષ્યાંક રાખવામાં આવ્યો છે. આ માટે પાર્ટી દ્વારા સંગઠનના વિવિધ સ્તરે નવી જવાબદારીઓ સોંપવાની પ્રક્રિયા આગળ વધારવામાં આવી રહી છે.
નવા હોદ્દેદારોને મહત્વની જવાબદારીઓ
AAP દ્વારા સંગઠનને વધુ સક્રિય બનાવવા માટે કેટલાક જિલ્લા પ્રમુખો, લોકસભા ઇન્ચાર્જ, લોકસભા સંગઠન મંત્રીઓ અને પ્રદેશ સ્તરના હોદ્દેદારોની નિમણૂક કરવામાં આવી રહી છે.
પાર્ટીનું માનવું છે કે નવા જવાબદારોની નિમણૂકથી સ્થાનિક સ્તરે સંગઠનને નવી ગતિ મળશે અને કાર્યકર્તાઓ તથા લોકો વચ્ચેનો સીધો સંપર્ક વધુ મજબૂત બનશે.
2027ની ચૂંટણી માટે અત્યારથી તૈયારી
મનોજ સોરઠિયાએ જણાવ્યું કે આગામી ગુજરાત વિધાનસભા ચૂંટણીને ધ્યાનમાં રાખીને પાર્ટીએ અત્યારથી જ સંગઠનાત્મક તૈયારીઓ શરૂ કરી દીધી છે. AAPનો પ્રયાસ માત્ર શહેરો પૂરતો મર્યાદિત ન રહેતા ગામડા અને બુથ સ્તર સુધી સંગઠનનું નેટવર્ક મજબૂત કરવાનો છે.
તેમણે નવા જવાબદારોને સંગઠનના વિસ્તરણ, જનસંપર્ક અને સ્થાનિક સ્તરે પાર્ટીની કામગીરીને વેગ આપવા માટે સક્રિયપણે કામ કરવાની અપીલ કરી હતી.
‘સામાન્ય માણસની સરકાર’ બનાવવાનો દાવો
AAP નેતાએ જણાવ્યું કે પાર્ટી ગુજરાતના સામાન્ય અને મહેનતુ લોકોના પ્રશ્નોને રાજકીય ચર્ચાના કેન્દ્રમાં લાવવા માગે છે. જનહિતના મુદ્દાઓને વધુ આક્રમક રીતે ઉઠાવીને લોકો સુધી પહોંચવાનો પાર્ટીનો પ્રયાસ રહેશે.
‘સામાન્ય માણસની સરકાર’ બનાવવાના સંકલ્પ સાથે AAP ગુજરાતમાં સંગઠનને બુથ સ્તર સુધી મજબૂત કરવાની દિશામાં આગળ વધશે, તેવો મનોજ સોરઠિયાએ દાવો કર્યો હતો. આ સંગઠનાત્મક વિસ્તરણને 2027ની વિધાનસભા ચૂંટણી માટે AAPની લાંબા ગાળાની રાજકીય તૈયારી તરીકે જોવામાં આવી રહ્યું છે.
News Hotspot સાથે જોડાવવા અહી ક્લિક કરો`
Facebook સાથે જોડાવા અહી ક્લિક કરો
Instagram સાથે જોડાવા અહી ક્લિક કરો
Twitter સાથે જોડાવા અહી ક્લિક કરો
Whatsapp ચેનલમાં જોડાવા અહી ક્લિક કરો
Website સાથે જોડાવા અહી ક્લિક કરો
