અમરેલી: વીજળી પડવાથી 5 શ્રમિકોનું કરૂણ મોત
અમરેલીના લાઠી તાલુકાનાં આંબરડી ગામે આજે બપોરે વીજળી પડવાથી 5 શ્રમિકોના કરૂણ મોત નીપજ્યાં હોવાના સમાચાર સામે આવ્યા છે. આ દુર્ઘટના ત્યારે સર્જાઈ હતી જ્યારે શ્રમિકો ખેતરથી પરત આવી રહ્યા હતા. અચાનક સર્જાયેલા આ અકસ્માતને પગલે સમગ્ર ગામમાં શોકની લાગણી વ્યાપી ગઈ છે.
મૃતકોમાં 35 વર્ષીય ભારતીબેન ભાવેશભાઈ સાંથળીયા, 18 વર્ષીય શિલ્પાબેન વિજયભાઈ સાંથળીયા, અને 7, 8 અને 5 વર્ષની નાબાળિકાઓ, રિદ્ધિબેન, રૂપાલીબેન અને રાધેભાઈ સામેલ છે. તમામ મૃતક આંબરડી ગામના નિવાસી હતા અને આ ઘટનાથી તેમના પરિવાર પર આભ ફાટ્યા જેવી સ્થિતિ સર્જાઈ છે.
ઉલ્લેખનીય છે કે, આ દુર્ઘટનામાં 3 લોકોએ ઇજા પણ થઈ છે, જેમને તત્કાલીક હોસ્પિટલમાં ખસેડવામાં આવ્યા હતા. સ્થાનિક વહીવટી તંત્ર દ્વારા આ બનાવ અંગે તપાસ શરૂ કરવામાં આવી છે. આ દુર્ઘટનાને પગલે, ગ્રામ્ય વિસ્તારમાં હાલ શોકની લહેર દોરી ગઈ છે.
